Қарағым-ай, сұлулық осындай болады екен,
Бір басқа армансыз қонады екен.
Адамдар өмірге қонақ екен,
Шынымен бұл дүние шолақ екен.
Қайырмасы:
Қарағым-ай, қиылып, үзіліп
қарадың-ай,
Қараған қандай сұлу жанары-ай.
Қарағым-ай, еліктер осылай жосады екен,
Жолыңнан сені кім тосады екен?
Бұл көңіл неліктен босады екен,
Бұл тағдыр сені кімге қосады екен?
Қайырмасы.
Қарағым-ай, бұл өмір осылай өтеді екен,
Сүймесе дүние бекер екен.
Анықтап жинасаң бар ғұмырың,
Бір сүйген күніңе жете ме екен.
Қайырмасы
